Intxurreko futbolarien bi partida ikusi ahal izango dira asteburuan Elorri zelaian. Jubenil mutilek igoera faseko partida izango dute igandean 16:00etan Ostadarren aurka. Alegiarrek 1 eta 2 irabazi zuten Lagun Onaken aurka eta lidertzan dira. Ohorezko mailako kadeteek 2 eta 1 galdu zuten Ordizian. Bosgarren jarraitzen dute eta larunbatean 11:00etan azkena den Urkiren aurkakoa jokatuko dute.

Etxetik kanpo ariko direnen inguruan, erregionalek asteburuan atsedena izan zuten eta larunbatean 16:00etan Pasaian jokatuko dute kopako partida. Infantiletan, mutilek 5 eta 1 irabazi zioten Ostadarri eta larunbatean 10:30ean Hernanin jokatuko dute. Maila bereko neskek 3 eta 4 galdu zuten Hernaniren kontra eta larunbatean 9:30ean Goierri Gorriren zelaian ariko dira.