Intxurre futbolarien bi partida jokatuko dira larunbatean Elorri zelaian. Lehen mailako jubenilek Lazkaoren aurka jokatuko dute 15:30ean. Alegiarrek bina berdindu zuten Texas liderraren aurka eta bigarren postuan daude, hirugarrenaren aurka jokatu aurretik. Ohorezko mailako kadeteek Eibarren aurkakoa izango dute egun berean 11:00etan. Iragan asteburuan 5 eta 2 galdu zuten Anaitasunaren zelaian eta sailkapeneko beheko postuetan daude.

Erregionalek Euskaldunaren zelaian jokatuko dute larunbatean 15:30ean. Idiazabalen aurka bina berdinduta, alegiarrak laugarrenak dira eta andoaindarrak seigarrenak. Gorengo mailako jubenilek lidertza defendatuko duten larunbatean 17:30ean Zestoan. Zumaiakoren aurka 3 eta 1 irabazi zuten lehen postuan dira. Azkenik, infantil neskek kopari ekingo diote igandean 11:00etan Zarautzen. Infantil mutilek bigarren amaitu dute lehen fasea.