Intxurreko futbolarien bi partida ikusi ahal izango dira larunbatean Elorri zelaian. Gorengo mailako jubenilek Danearen aurkakoa izango dute 16:00etan. Iragan asteburuan atsedena izan zuten eta bigarren postuan daude. Infantil mutilek berriz txapeldunen faseko neurketa izango dute Soraluzeren aurka 12:00etan. Iragan asteburuan 4 eta 1 galdu zuten Aizkorri Goierriren aurka eta seigarrenak dira.

Etxetik kanpo ariko direnen inguruan, erregionalek garaipenarekin ekin zioten kopari Arrasateri 3 eta 2 irabazita. Larunbatean 18:00etan Urolaren zelaian jokatuko dute. Ohorezko mailako kadeteek bana berdindu zuten Mondragonen aurka eta larunbatean 12:30ean sailkapeneko azkena den Ilintxaren zelaian ariko dira. Azkenik, infantil neskek bina berdindu zuten etxean Mondragonen aurka kopan. Bigarrenak dira eta larunbatean 9:30ean hirugarren dagoen Lagun Onaken zelaian jokatuko dute.