Intxurreko futbolariek bi partida jokatuko dituzte larunbatean Elorri zelaian. Jubenilek igoera faseko partida izango dute 15:30ean Arrupe Chaminaderen aurka. Alegiarrak lehen postuan dira Danenari 1 eta 2 irabazi ostean eta emaitza bolada onari jarraipena ematea izango dute helburu. Ohorezko mailako kadeteek berriz, Anaitasunaren aurkakoa izango dute 12:00etan. Intxurrek 2 eta 0 galdu zuen Amaikak Baten aurka azken partida eta garaipenaren bidera itzuli nahiko dute seigarren postutik gora egiteko.

Erregionalek kopako partida izango dute larunbatean 16:10ean Texas Lasartearraren zelaian. Iragan astean Beti Onari 12 eta 1 irabazi zioten alegiarrek eta beste garaipen bat lortzen ahaleginduko dira. Infantiletan, bi taldeek kopako neurketak izango dituzte, Lazkaoren aurka bana berdindu ostean, mutilek Billabonan jokatuko dute larunbatean 9:00etan eta neskek Usurbilen izango dute hitzordua egun eta ordu berean, Aiztondori 4 eta 3 irabazi eta gero.