Intxurreko futbolariak ari dira apurka apurka denboraldi amaierara iristen. Larunbatean bi partida ikusi ahal izango dira Elorri zelaian. Lehen mailako jubenilek igoera faseko partida izango dute Astigarragako Mundarroren aurka 12:00etan. Iragan astean 0 eta 1 irabazi zuten Arrupe Chaminaderen aurka eta laugarrenak dira. Ohorezko mailako kadeteek Bergararen aurka jokatuko dute egun berean 17:00etan. Alegiarrak Aizkorri Goierriren aurka 4 eta 3 galduta iritsiko dira neurketa horretara.

Bestelakoan, erregionalek Tolosan jokatuko dute larunbatean 18.30ean kopan. Azken neurketa 6 eta 0 irabazi zuten Euskaldunaren aurka eta bigarrenak dira, liderraren aurka jokatu aurretik. Gorengo mailako jubenilek hutsean berdindu zuten. Lidertzan dira eta igandean 16:00etan Lazkaon ariko dira. Infantiletan, mutilek amaitu dute txapeldunen fasea. Anaitasunari 0 eta 4 irabazi zioten eta zazpigarrenak geratu dira. Neskek kopako finalerdia galdu zuten 2 eta 1 Arrupe Chaminaderen kontra eta lehiaketatik kanpo geratu dira.