Larunbatean Intxurreko futbolarien bi partida jokatuko dira Elorri zelaian. Gorengo mailako kadeteek Aloña Mendiren aurka jokatuko dute 11:00etan. Aurreko astean Urnietan 0 eta 4 irabazita sailkapeneko goiko postuetara hurbiltzen jarraitu nahiko dute. Ohorezko mailako jubenilek berriz, Lagun Onak izango dute aurkari 16:00etatik aurrera. Elgoibarren 4 eta 1 galduta, garaipenaren bidera itzuli nahiko dute.

Etxetik kanpo ariko direnen inguruan, erregional mutilek Bergaran jokatuko dute igandean 18:00etan. Urolaren aurka 3 eta 1 irabazi zuten aurreko asteburuan eta lidertzan dira. Kadete mailako neskek Aiztondoren zelaian jokatuko dute igandean 15:30ean. Tolosaren aurka 0 eta 5 galduta, denboraldiko lehen puntuak batzea izango dute helburu. Infantiletan, mutilen taldeetako batek 8 eta 3 irabazi zion Kostkasi, Hirugarrenak dira eta igandean 9:30ean Usurbilen jokatuko dute. Beste taldeak 6 eta 4 galdu zuen Idiazabalen eta atsedena izango dute. Azkenik, maila bereko neskek Euskalduna Andoaindarraren zelaian jokatuko dute igandean 10:00etan. Aurreko astean 2 eta 3 galdu zuten Goierri Gorriren kontra.