Asteburuan bost futbol partida jokatuko dira Elorri futbol zelaian. Intxurreko erregional mutilek Urolaren aurka jokatuko dute larunbatean 15:30ean. Urteko lehen partidan 3 eta 0 galdu zuten Seguran eta bosgarrenak dira. Sailkapeneko azkenaren aurka garaipenaren bidera itzuli nahiko dute. Kadete mailako neskek ere galdu egin zuten iragan asteburuan. Goierri Gorriren aurkako partida 3 eta 0 amaitu zen eta sailkapeneko zortzigarrenak dira. Igandean 11:30ean bosgarren dagoen Ilintxaren aurkakoa izango dute etxean. Aralar Intxurreko infantil neskek urteko lehen partida jokatuko dute igandean 10:00etan Danenaren aurka. Kadete mutilei dagokienean, kopako lehen jardunaldiko partidak izango dituzte Intxurreko bi taldeek. A taldeak Ostadarren aurka jokatuko du larunbatean 9:30ean eta B taldeak Hernaniren aurka egun berean 11:30ean.

Etxetik kanpo ariko direnen artean, jubenil mutilek kopako lehen partida jokatuko dute larunbatean 15:45ean Danenaren zelaian. Infantil mutilek berriz, Tolosan jokatuko dute larunbatean 9:00etan. Alegiarrak sailkapeneko liderrak dira Hernaniri 5 eta 1 irabazi ostean eta bigarren postuan dauden tolosarren aurkako partida gogorra izango dute. Azkenik, gorengo mailako neskek 4 eta 3 galdu zuten Leintz Aloñaren kontra. Laugarren postuan daude eta asteburuan atsedena dutenez, amaitu da beraientzat lehen fasea.