Intxurreko futbol taldeen bost partida jokatuko dira asteburuan Elorri futbol zelaian. Erregional mutilek kopako partida izango dute larunbatean 15:30ean Asolusen aurka. Lehen jardunaldian 2 eta 4 irabazi zuten alegiarrek Lengokoaken zelaian eta bigarren garaipena kateatu nahiko dute. Jubenil mutilek 2 eta 5 galdu zuten Amara Berriren aurka kopako partida. Bosgarren postuan daude eta bigarren dagoen Billabonaren aurka jokatuko dute larunbatean 18:00etan. Kadete mailako mutilen bi taldeek ere kopako partidak izango dituzte. A taldeak 0 eta 2 irabazi zuen Ordizian eta bigarren daude, larunbatean 11:30ean Idiazabalen aurka jokatu aurretik. Beste taldeak 1 eta 0 galdu zuen Urnietan. Seigarrenak dira eta azkena dagoen Billabonaren aurka ariko dira egun berea 9:30ean. Infantil mailako mutilek Urnietaren aurka jokatuko dute lehen faseko azken partida igandean 11:30ean. Danenaren aurka eta 8 irabazi zuten hamahirugarren garaipena jarraian lortuta eta lehen postuan amaitzea ziurtatuta dute.

Bestelakoan, Aralar Intxurreko neskek Euskaldunaren zelaian jokatuko dute larunbatean 9:30ean. Azken partidan 3 eta 1 irabazi zuten Goierri Gorriren kontra eta laugarrenak dira. Gorengo eta kadete mailetako nesken taldeek atsedena izango dute.