Intxurreko futbolarien bost partida jokatuko dira asteburuan Elorri zelaian. Erregional mutilek Texasen aurka jokatuko dute larunbatean 12:00etan. Alegiarrak laugarrenak dira eta irabazten badute hirugarren kokatuko dira. Lehen mailako jubenilek Euskaldunaren bisita izango dute larunbatean 16:00etan eta lidertza sendotzeko aukera polita izango dute. Ohorezko mailako kadeteek Elgoibar izango dute aurkari igandean 15:30ean. Sailkapeneko zulotik ateratzeko puntuak pilatzen hastea komeni zaie. Infantiletan, mutilek ere Elgoibar izango dute aurkari larunbatean 18:00etan txapeldunen faseko partidan eta neskek Goierri Gorriren aurkakoa izango dute kopan, igandean 9:00etan.

Etxetik kanpo ariko diren bakarrak gorengo mailako jubenilak izango dira. Lehen postuan dira eta larunbatean 17:30ean Idiazabalen ariko dira.