Intxurreko futbolarien hiru partida jokatuko dira asteburuan Elorri futbol zelaian. Gorengo mailako neskek igoera faseko partida izango dute Santo Tomas Lizeoaren aurka larunbatean 15:30ean. Iragan asteburuan 2 eta 1 galdu zuten Oiartzunen eta lehen puntuak batu nahiko dituzte. Infantil mailako neskek 2 eta 1 galdu zuten Tolosan kopako partida. Laugarrenak dira eta lehen postuan dagoen Goierri Gorriren bisita izango dute larunbatean 10:00etan. Jubenil mutilek Danenaren aurka jokatuko dute kopan igandean 15:30ean. Azken partidan 1 eta 4 galdu zuten Ekintzaren aurka eta seigarren daude beste horrenbeste punturekin.

Bestelakoan, erregional mutilek 2 eta 3 galdu zuten Lazkaoren aurka. Laugarren postuan daude eta Euskalduna liderraren zelaian jokatuko dute larunbatean 17:00etan. Kadete mailan, gizonezkoen bi taldeek 2 eta 0 galdu zuten. A taldeak Tolosan jokatu zuen eta bigarren postuan daude, larunbatean 17:00etan Ostadarren zelaian jokatu aurretik. B taldeak berriz, Ostadar izan zuen aurkari. Alegiarrak zortzigarrenak dira eta Hernanin jokatuko dute igandean 12:30ean. Maila bereko neskek kopako lehen partida jokatuko dute larunbatean 12:00etan Goierri Gorriren aurka. Azkenik, Aralar Intxurreko infantil mutilek 3 eta 2 irabazi zioten Zestoari txapeldunen fasean. Laugarren postuan daude eta Antigua Luberriren zelaian jokatuko dute larunbatean 10:15ean.