Intxurreko futbolariek hiru partida jokatuko dituzte asteburuan Elorri zelaian. Jubenil mutilek Danenaren aurka jokatuko dute larunbatean 12:00etan. Alegiarrak sailkapeneko liderrak dira Euskaldunaren aurka 5 eta 2 irabazi ostean eta bolada onari segida eman nahiko diote. Infantil neskek 3 eta 6 irabazi zuten Goierri Gorriren aurka eta bigarren postuan daude sei punturekin, larunbatean 10:00etan laugarren dagoen Urnietaren aurka jokatu aurretik. Maila bereko mutilek Lazkaoren aurkakoa izango dute ostiralean 17.30ean. Billabonan 0 eta 8 irabazi zuten eta lehen postuan daude.

Bestelakoan, erregional mutilek 0 eta 2 irabazi zuten Ostadarren zelaian. Laugarrenak dira eta larunbatean 18:00etan seigarren dagoen Urolaren zelaian ariko dira. Azkenik, ohorezko mailako kadeteek bana berdindu zuten Ordiziaren aurka. Hamaikagarrenak dira eta azkena den Urkiren zelaian jokatuko dute larunbatean 10:00etan.