Intxurreko futbolariek 2022ari dagozkion azken partidak jokatuko dituzte asteburuan. Horietatik hiru Elorri zelaian jokatuko dira. Erregional mutilek Ostadarren aurkakoa izango dute 15:30ean. Alegiarrak laugarrenak dira Urnietan 4 eta 1 galdu ostean eta garaipena lortzeko aukera ona izango dute, aurkaria zazpigarren dagoelako. Infantilei dagokienean, neskek 1 eta 5 irabazi zuten Aiztondoren aurka. Hirugarrenak dira eta beraien atzetik dagoen Goierri Gorri Bren aurka jokatuko dute larunbatean 11:00etan. Azkenik, maila bereko mutilek Billabonaren aurka jokatuko dute ostiralean 18:30ean. Alegiarrak bosgarrenak dira Tolosan 7 eta 1 galdu ostean.

Bestelakoan, jubenil mutilek Euskaldunaren zelaian jokatuko dute larunbatean 16:00etan. Lidertzan dira Ordiziari 2 eta 1 irabazi ostean eta laugarren dagoen taldearen aurka jokatuko dute. Azkenik, kadete mutilek bolada bikainari jarraipena eman nahiko diote larunbatean 10:00etan Ilintxaren zelaian. Elgoibarri 5 eta 2 irabazita sailkapeneko seigarren lekuan jarri dira alegiarrak.