Intxurreko futbolarien hiru partida jokatuko dira asteburuan Elorri zelaian. Erregional mutilek garaipen berri bat kateatu nahiko dute larunbatean 15.30ean San Marcialen aurka. Texas Lasartearrari 0 eta 1 irabazita sailkapeneko goiko postuetan sendotu nahi dute. Infantiletan, mutilek Tolosa liderraren aurka jokatuko dute larunbatean 10:00etan. Iragan asteburuan 0 eta 5 irabazi zuten alegiarrek Billabonan eta bigarrenak dira. Neskek Urnieta izango dute aurkari larunbatean 12:00etan. Azken partida 5 eta 1 galdu zuen Intxurrek Usurbilen.

Bestelakoan, jubenilek igoera faseko lidertzan jarraitzen dute Arrupe Chaminaderi 4 eta 0 irabazi ostean. Igandean 15:30ean Hondarribian jokatuko dute. Kadeteek berriz, 1 eta 4 galdu zuten Anaitasunaren kontra. Seigarrenak dira eta larunbatean 11:30ean Beasainen jokatuko dute.