Intxurreko futbolarien hiru partida ikusi ahal izango dira asteburuan Elorri zelaian. Erregionalek kopako partida izango dute igandean 17:30ean Mutrikuren aurka. Ohorezko mailako kadeteek liga jardunaldia jokatuko dute larunbatean 10:00etan Beasainen aurka eta infantil neskek ere kopako neurketa izango dute larunbatean 16:00etan Zumaiakoren kontra.

Etxetik kanpo ariko direnen inguruan, gorengo mailako jubenilek Bergaran jokatuko dute igandean 18:00etan. Lehen mailako jubenilek lehen faseko azken neurketa izango dute larunbatean 18:20an Lasarten Texasen aurka. Azkenik, infantil mutilek, Burumendiren zelaian jokatuko dute igandean 13:00ean txapeldunen fasean.