Intxurreko futbolarien hiru partida jokatuko dira asteburuan Elorri zelaian. Erregional gizonezkoek igoera fasean sartzeko borrokan jarraitzen dute Asoleusen aurka 1 eta 9 irabazi ostean. Bosgarrenak dira eta bigarren dagoen Usurbilen aurkakoa izango dute larunbatean 11:30ean. Kadeteek kopako partida izango dute Billabonaren aurka igandean 11:00etan. Iragan asteburuan 0 eta 4 irabazi zuten Lazkaon eta bigarren postuan daude zazpi punturekin. Etxean ariko den hirugarren taldea Aralar Intxurreko emakumezkoena izango da. Euskaldunaren aurka hiruna berdindu zuten eta hirugarrenak dira Urnietaren aurka larunbatean 9:30ean jokatu aurretik.

Bestelakoan, gorengoen mailako neskek 3 eta 4 galdu zuten Euskaldunaren aurka. Zortzigarren postuan jarraitzen dute eta azken postuan dagoen Bergararen etxean jokatuko dute larunbatean 17:30ean. Jubenil mutilek 3 eta 1 irabazi zuten Anaitasunaren aurka igoera fasean. Bosgarren postuan daude eta Tolosa liderraren zelaian jokatuko dute igandean 11:45ean. Bukatzeko, infantil mutiletan, Aralar Intxurreko bi taldeek irabazi egin zuten. A taldeak 9 eta 1 irabazi zion Ostadarri. Hirugarrenak dira eta Udarregi Usurbilen aurka jokatuko dute larunbatean 10:00etan. Beste taldeak 9 eta 0 irabazi zuen Amara Berriren kontra. Sailkapeneko lehen postua berreskuratu dute eta asteburuan atsedena izango dute.