Asteburuan Intxurreko futbolarien hiru partida jokatuko dira Elorri futbol zelaian. Jubenil mutilek denboraldiko lehen puntuak batzea izango dute helburu Lazkaoren aurka larunbatean 17:15ean jokatuko duten partidan. Seguran 8 eta 2 galdu zuten azken partida eta etxeko lehen partida baliatu nahiko dute bide onera itzultzeko. Kadete neskek Goierri Gorri B taldea izango dute aurkari larunbatean 15:30ean. Bergaran 2 eta 1 galduz ekin zioten denboraldiari eta goierritarren aurkako lehian lehen puntuak lortzea izango dute helburu. Etxean ariko den hirugarren taldea maila bereko mutilena izango da. Hauek indartsu iritsiko dira Danena liderraren aurka larunbatean 9:30ean jokatu beharreko lehiara, azken jardunaldian Lazkaon 1 eta 8 irabazi ostean.

Bestelakoan, gorengo mailako neskek Zestoan jokatuko dute larunbatean 11:00etan. Iragan asteburuan Elgoibarren 0 eta 1 irabazi ostean, bigarren garaipena kateatzen ahaleginduko dira. Azkenik, erregional mutilek Usurbilen jokatuko dute larunbatean 16:00etan. Iragan asteburuan 8 eta 0 irabazi zioten Axular Isturaini eta sailkapenean gora egitea izango dute helburu Usurbilen.