Intxurreko futbolariek hiru partida jokatuko dituzte Elorri zelaian datorren asteburuan. Erregional mutilek Usurbilen aurka bana berdindu zuten azken jardunaldian eta bosgarren daude sailkapenean. Beraien atzetik dagoen Lazkaoren bisita izango dute igandean 16:00etan. Gorengo mailako neskek ez zuten partidarik izan iragan asteburuan. Hirugarrenak dira eta beraien aurretik dagoen Eibarren aurka ariko dira etxean larunbatean 16:00etan. Jubenil mutilek Ordiziaren aurka jokatuko dute igandean 12:00etan. Sailkapeneko azken postuan jarraitzen dute Danenaren aurka 2 eta 1 galdu ostean.

Kadete mailako mutilen bi taldeek ibili ezberdinarekin jarraitzen dute. Talde bat bere multzoko hirugarrena da Tolosari 6 eta 2 irabazi ostean eta larunbatean 10:15ean Zubietan ariko dira Reala liderraren aurka. Beste taldeak berriz ez du oraindik punturik urratu. Ordiziaren aurka 0 eta 3 galdu zuten eta larunbatean 15:30ean Idiazabalen jokatuko dute. Azkenik, infantiletan, Aralar Intxurreko bi taldeek atsedena izan zuten asteburuan. Neskek Urnietan jokatuko dute larunbatean 13:15ean eta mutilek Andoainen larunbatean 10:45ean.