Intxurreko futbolarien hiru partida ikusi ahal izango dira bihar, osteguna, eta larunbatean Elorri zelaian. Lehen mailako jubenilak 1 eta 4 irabazi zuten Andoainen eta Ostadarren aurka lidertza defendatuko dute ostegunean 12:00etan. Ohorezko mailako kadete mutilek Tolosaren aurkakoa izango dute egun berean 16:00etan. Beasainen 5 eta 0 galdu zuten eta sailkapenean gora egiteko hiru puntuak lortzea ez zaie gaizki etorriko alegiarrei. Infantil mailan, neskek atsedena izan zuten eta larunbatean 11:00etan Goierri Gorriren aurka ariko dira.

Bestelakoan, erregionalek hiruna berdindu zuten Euskalduna Andoaindarraren aurka. Zazpigarrenak dira puntu batekin eta beraien atzetik dagoen Tolosaren aurka jokatuko dute ostegunean 10:00etan Seguran. Jubeniletan, gorengo mailakoek bana berdindu zuten Bergararen aurka etxean. Hirugarrenak dira eta seigarren dagoen Anaitasunaren zelaian jokatuko dute larunbatean 16:30ean. Azkenik, infantil mutilek Lazkaoren aurkakoa izango dute ostegunean 10:00etan, asteburuan Urolaren aurka jokatu beharreko partida bertan behera geratu ostean.