Intxurreko futbolariek hiru partida jokatuko dituzte etxean larunbatean. Erregional mutilek Idiazabalen aurka jokatuko dute 15:30ean. Alegiarrek bana berdindu zuten Lazkao liderraren zelaian eta laugarrenak dira sailkapenean.  Gorengo mailako jubenilek lidertza defendatuko dute egun berean 11:30ean Zumaiakoren aurka. Burumendiren zelaian 2 eta 4 irabazi zuten alegiarrek azken partidan. Lehen mailakoek berriz atsedena izan zuten asteburuan eta bigarren postuan iritsiko dira larunbatean 18:00etan Texas liderraren aurka jokatuko duten lehiara.

Bestelakoan, ohorezko mailako kadeteek 2 eta 6 galdu zuten Zarautzen aurka. 14garrenak dira eta larunbatean 11:30ean Anaitasunari egingo diote bisita. Infantiletan, mutilek 4 eta 8 irabazi zuten Idiazabalen. Bigarren postuan daude eta asteburuan atsedena izango dute. Neskek berriz amaitu dute lehen fasea. Mondragonen 3 eta 1 galdu zuten eta bosgarren postuan amaitu dute. Kopa izango dute hurrengo lehiaketa.