Larunbatean Intxurreko hiru talderen partidak ikusi ahal izango dira Elorri zelaian. Erregional mutilek Euskalduna Andoaindarra taldearen aurkakoa izango dute larunbatean 15:30ean. Iragan asteburuan 3 eta 0 galdu zuten Idiazabalen eta punturik gabe jarraitzen dute. Gorengo mailako gizonezko jubenilek Bergararen aurkakoa izango dute egun berean 18:00etan. Danenaren zelaian aritu ziren igandean eta 1 eta 3 irabazi zuten, lidertza sendotuz. Infantil mailako mutilek Urolaren aurkakoa izango dute larunbatean bertan 11:30ean. Aizkorri Goierriren ekin zioten denboraldiari asteburuan eta 4 eta 1 galdu zuten.

Lehen mailako gizonezko jubenilek Segura Goierriren aurka jokatu zuten iragan asteburuan eta 1 eta 2 galdu zuten. Hurrengo neurketa Euskalduna Andoaindarraren zelaian jokatuko dute larunbatean 12:30ean. Ohorezko mailako kadete mutilek Beasainen jokatuko dute larunbatean 11:30ean. Ilintxaren aurkakoa izan zuten azken partida eta lehen hiru puntuak batu zituzten 4 eta 2 irabazita. Azkenik, infantil mailako neskek Tolosaren aurka jokatuz ekin zioten denboraldiari eta 0 eta 3 galdu zuten. Asteburuan atsedena izango dute.