Intxurreko futbolarien hiru partida ikusi ahal izango dira larunbatean Elorri zelaian. Gorengo mailako jubenilek 0 eta 1 irabazi zuten Beasainen eta hirugarren postuan daude. Beraien aurretik dagoen Ilintxaren aurka jokatuko dute larunbatean 16:00etan. Infantiletan, mutilek 0 eta 3 irabazi zuten Ordizian. Bigarrenak dira eta Beasainen bisita izango dute larunbatean 10:00etan. Maila bereko neskek 4 eta 1 galdu zuten Goierri Gorriren aurka. Bosgarren postuan daude eta hirugarren dagoen Bergararen aurka ariko dira egun berean 12:00etan.

Bestelakoan, erregionalek 4 eta 0 irabazi zioten Ostadarri. Bosgarrenak dira eta larunbatean 18:00etan azkena dagoen Usurbilen zelaian puntuen zakua gizentzen jarraitzeko aukera izango dute. Lehen mailako jubenilek 2 eta 0 irabazi zioten Danenari. Bigarrenak dira eta larunbatean 18:00etan Urnietan jokatuko dute. Azkenik, ohorezko mailako kadeteek 0 eta 4 galdu zuten Danenaren kontra eta egun berean 11:00etan Lagun Onaken zelaian sailkapeneko beheko postuetatik ihes egiteko puntuak batzen ahaleginduko dira.