Intxurreko futbolarien hiru partida jokatuko dira larunbatean Elorri zelaian. Gorengo mailako jubenilek lehen postua mantendu nahiko dute 16:00etan Anaitasunaren aurka. Iragan asteburuan 1 eta 2 irabazi zuten Bergaran. Infantil neskek kopako partida izango dute 12:00etan Zarautzen aurka. Zumaiakori 2 eta 1 irabazi zioten eta bigarren postuan dira alegiarrak. Maila bereko mutilek 5 eta 0 galdu zuten Burumendiren aurka txapeldunen fasean. Zortzigarrenak dira eta Anaitasunaren bisita izango dute 10.00etan.

Bestelakoan, erregionalek 3 eta 1 irabazi zioten Mutrikuri kopan. Bigarren daude eta igandean 17:30ean Azpeitian jokatuko dute Ikasberriren kontra. Ohorezko mailako kadeteek 2 eta 3 galdu zuten Beasainen aurka eta larunbatean 17:30ean Tolosan jokatuko dute.

Lehen mailako jubenilek 3 eta 1 galdu zuten Texasen aurka lehen faseko azken partida. Bigarren amaitu dute eta igoera fasea jokatzen hasiko dira.