Intxurreko futbolarien hiru partida jokatuko dira Elorri zelaian larunbatean. Gorengo mailako kadete mutilek Lazkaoren bisita izango dute 10:00etan. Iragan astean 4 eta 1 irabazi zuten alegiarrek Antigua Luberriren aurka eta sailkapeneko erdi parean daude. Infantil mutilek 0 eta 4 irabazi zuten Billabonan eta larunbatean 13:00etik aurrera Ikasberriren aurka jokatuko dute. Etxekoekin amaitzeko, ohorezko mailako jubenilek Amaikak Baten aurka jokatuko dute 17:00etan. Iragan asteburuan bana berdindu zuten Arrasaten.

Etxetik kanpo ariko direnen inguruan, erregionalek 4 eta 1 irabazi zuten Euskaldunaren aurka eta larunbatean 16:30ean Lazkaon jokatuko dute hurrengo partida. Kadete mailako neskek jipoia jaso zuten Euskalduna Andoaindarraren aurka eta igandean 11:00etan Aizkorri Seguraren zelaian jokatuko dute. Azkenik, infantil mailako neskek 4 eta 1 irabazi zioten Aiztondori azken partidan eta larunbatean 9:00etan Tolosan jokatuko dute.