Asteburuan Intxurreko futbolarien lau partida ikusi ahal izango dira Elorri zelaian. Erregionalek kopako lehen partida izango dute larunbatean 15:30ean Mondragonen aurka, lehen fasea laugarren amaitu ostean. Lehen mailako jubenilek hutsean berdindu zuten azken partidan Danenaren kontra eta bigarren postuan daude, egun berean 18:00etan Urnietaren aurka jokatu aurretik. Ohorezko mailako kadeteek lau eta huts galdu zuten Ordizian eta Mondragonen bisita izango dute larunbatean 11:00etan. Azkenik, infantil mailako neskek ere Mondragonen aurkakoa izango dute igandean 10:00etan. Iragan asteburuan 1 eta 3 irabazi zuten Aiztondoren aurka.

Etxetik kanpo ariko direnen inguruan, gorengo mailako jubenilek Tolosan jokatuko dute igandean 11:45ean iragan astean atsedena izan ostean. Infantil mutilek berriz, 2 eta 4 galdu zuten Lazkaoren aurka txapeldunen fasean eta igandean 10:00etan Aizkorri Goierriren zelaian jokatuko dute.