Intxurreko futbolarien lau partida ikusi ahal izango dira Elorri zelaian asteburuan. Gorengo mailako neskek igoera faseko partida izango dute Mariñoren aurka larunbatean 12:00etan, iragan asteburuan atsedena izan ondoren. Kopa jokatzen ari diren jubenil mutilek Amara Berriren kontra jokatuko dute larunbatean 16:00etan. Azken partidak 2 eta 3 irabazi zuten Santo Tomas Lizeoaren aurka eta hirugarren postuan daude. Kadete neskek 0 eta 3 galdu zuten Bergara liderraren aurka eta zortzigarren jarraitzen dute Lagun Onaken aurka igandean 11:00etan jokatu aurretik. Aralar Intxurreko infantil neskek ere galdu egin zuten. Aizkorri Goierri 2 eta 7 nagusitu zen Alegian eta larunbatean 10:00etan Goierri Gorriren aurkakoa izango dute.

Bestelakoan, kadete mutilen bi taldeek garaipena lortu zuten. A taldeak 6 eta 1 menperatu zuen Danena eta hirugarren postuan daude, larunbatean 12:30ean bigarren dagoen Ordiziaren aurka jokatu aurretik. Beste taldeak 2 eta 1 irabazi zion Euskaldunari. Hauek seigarrenak dira eta bigarren dagoen Urnietaren zelaian ariko dira larunbatean bertan 18:00etan. Aralar Intxurreko mutilek lehen faseko hamabigarren garaipena lortu zuten igandean 2 eta 1 Tolosaren aurka. Lidertzan dira eta Danenari egingo diote bisita larunbatean 9:45ean. Azkenik, erregional mutilak kopa jokatzen hasiko dira asteburuan. Lehen partida Lengokoaken zelaian izango dute igandean 17:00etan.