Intxurreko futbol taldeen lau partida jokatuko dira asteburuan Elorri zelaian. Inauterietako etenaren ostean lehiara itzuliko dira eta erregional mutilek Lazkaoren aurkako kopako partida jokatuko dute larunbatean 18:00etan. Jubenil mutilek ere kopako hitzordua izango dute. Ekintzaren aurka ariko dira larunbatean 15:30ean. Lehiaketa berari dagokion partida izango dute kadete neskek ere, Aloña Mendiren aurka igandean 11:30ean. Aralar Intxurreko mutilek txapeldunen faseko bigarren neurketa izango dute Zestoaren aurka larunbatean 11:00etan.

Bestelakoan, gorengo mailako neskek igoera faseko partida jokatuko dute Oiartzunen larunbatean 15:30ean. Kadete mailako gizonezkoen bi taldeek kopako partidak izango dituzte. A taldeak Tolosan jokatuko du larunbatean 12:00etan eta B taldeak Lasarten igandean 14:15ean. Azkenik, Aralar Intxurreko neskek kopako lehen hitzordua izango dute Tolosan larunbatean 9:00etan.