Intxurreko futbolarien lau partida jokatuko dira asteburuan Elorri zelaian. Jubenik mutilek lehen faseko azken neurketa izango dute larunbatean 17:45ean Ostadarren aurka. Alegiarrak lidertzan dira iragan asteburuan Danenaren aurka 4 eta 0 galdu arren eta sailkapeneko zazpigarrenaren aurka ariko dira, igoera faserako txartela jada poltsikoan dutela. Ohorezko mailako kadeteek lehen itzuliko azken partida izango dute egun berean 15:30ean Tolosaren aurka. Intxurrek bana berdindu zuen Aizkorri Goierriren zelaian eta bederatzigarren postuan daude. Tolosarrak hamargarrenak dira.

Infantil mailako taldeei dagokienean, neskek Goierri Gorri Cren aurka jokatuko dute larunbatean 10:00etan. Urnietan 2 eta 1 galdu zuten eta hirugarren postuan daude, zazpigarrenaren aurka jokatu aurretik. Mutilek Beasain izango dute aurkari larunbatean 11:45ean. Lazkaon 0 eta 3 irabazi zuten eta laugarren postuan daude, bigarrenaren aurka jokatu aurretik.

Azkenik, erregional mutilek lehen faseko azken partida izango dute Ikasberriren zelaian igandean 15:30ean. Urolari 3 eta 2 irabazi zioten alegiarrek eta laugarren postuan iritsiko dira azken partida horretara.