Intxurreko futbol talde guztiak lanean izango dira asteburu honetatik aurrera. Lau talderen neurketak ikusi ahal izango dira Elorri zelaian asteburuan. Iragan larunbatean denboraldia hasi zuten gorengo mailako kadeteek Antigua Luberriren aurka jokatuko dute larunbatean 13:30ean. Alegiarrek 1 eta 0 galdu zuten Zumaian lehen jardunaldian. 17:00etan kadete mailako nesken lehen partida ikusi ahal izango da, Euskalduna Andoaindarraren aurka. Igandean berriz bi partida izango dira. Erregional mutilek Euskaldunaren aurka hasiko dute denboraldia 10:00etan eta 12:30ean infantil mailako neskek Aiztondoren aurka jokatuko dute.

Etxetik kanpo ariko direnen inguruan, ohorezko mailako jubenilek Arrasaten jokatuko dute larunbatean 18.30ean. Beasainen aurka 5 eta 1 irabazita indartsu hasi dute urtea. Azkenik, infantil mutilek igandean 10:15ean Billabonan jokatuko dute.