Iragan asteburuko emaitzak hobetzen ahaleginduko dira asteburu honetan Intxurreko futbolariak. Lau partida jokatu zituzten eta garaipen bakarra lortu zuten. Aralar Intxurreko infantilek 2 eta 0 irabazi zioten Beasaini eta kopako multzoko bigarren postuan dira. Usurbilen jokatuko dute larunbatean 10:30ean lehen postuan den taldearen aurka. Gorengoak dira asteburuan etxean jokatuko duten bakarrak. Getariaren aurka 2 eta 0 galdu ostean, sailkapenean beraien aurretik dagoen Ilintxa izango dute aurkari larunbatean 15:30ean etxean eta legazpiarrengana hurbiltzeko aukera ona izango dute.

Kadete mailako bi taldeek ere galdu egin zuten. Neskek 3 eta 1 Allerruren aurka. Sailkapeneko bosgarrenak dira eta asteburuan atsedena izango dute. Mutilek berriz, 2 eta 4 galdu zuten Danenaren aurka. Sailkapeneko zazpigarren postuan daude eta Tolosan jokatuko dute larunbatean 12:30ean. Azkenik, jubenilek atsedena izan zuten eta Danena Bren zelaian berrekingo diote lehiari, igandean 15:00etan.