Alegiako pilotazaleek ostiralean eta larunbatean partidak ikusteko aukera izango dute Elorri pilotalekuan. Ostiralean hiru partida jokatuko dira 18:30ean hasita eta larunbatean partida bakarra ikusi ahal izango da 19:00etan. Ostiralean eskuz binakako bi partida eta gomazko paletako bat jokatuko dira. Gizonezkoen alebinek emango diote hasiera jaialdiari. Eskuz binaka, Intxurre eta Sendi Ekintza neurtuko dira. Ondoren emakumezko jubenilen txanda izango da eta gomazko paletan, Intxurrek Zumaiaren aurka jokatuko du. Azkenik, eskuz binaka, gizonezkoen nagusien hirugarren mailan, Intxurre eta Izurun neurtuko dira.

Larunbatean partida garrantzitsu bat jokatuko da. Nagusien ohorezko mailako gizonezkoen eskuz binakako bikoteak mailari eusteko partida izango du. 19:00etatik aurrera, Zazpi Iturriren aurka ariko dira Intxurrekoak.