Intxurreko pilotarientzat egun handia izan liteke ostiralekoa. Udaberri txapelketako eskuz binakako finalak jokatuko dira eta Intxurreko hiru bikotek dute txapelak lortzeko aukera. Kadeteen eta jubenilen lehen mailako finalak Elorri pilotalekuan jokatuko dira ostiralean 19:30ean. Kadete mailan Pagazperen aurka jokatuko dute Intxurrekoek eta jubeniletan Gazteleku izango da Intxurrekoen aurkaria. Nagusien hirugarren mailan, Intxurreko bikoteak Tartaloetxe izango du aurkari finalean eta partida hori Zegaman jokatuko da ostiralean bertan, 19:30ean.

Bestelakoan, ostiraleko finalen aurretik, gomazko paletako bi partida jokatuko dira Elorrin bertan, 18:00etatik aurrera. Lehen neurketan Intxurreko bi bikote neurtuko dira eta bigarrenean Atzapar izango da Intxurreren aurkaria.