Uda amaieraren eta udazkenaren hasieraren mugarri izaten dira Alegian Kalebeherako jaiak. Aurtengoak irailaren 15etik 17ra bitartean ospatuko dira. Ostiraletik igandera bitartean bete-beteko egitarauaz gozatu ahal izango da. Ekintzarik gehienak Kalebeheran jada klasiko modura jo daitezkeenak izango dira baina izango da berrikuntzarik ere. Azpian duzue egitaraua aletuta:

Irailak 15, ostirala

17:00.  Kalejira erraldoiekin eta buruhandiekin et GIROARTE dultzaina taldearekin.

18:30. Helduen esku pilota txapelketako finala.

20:30. Tortilla lehiaketa.

21:30. Zahagiardoa.

23:00. Arrixku taldearen kontzertua eta DJ Naza.

Irailak 16, larunbata

12:00. Krosa (Roman Ganzarainen omenez).

16:00. Pala txapelketako kanporaketak.

17:00. Ume jolasak. Zinta karrera.

18:00. KATXATXA. Txapel jaurtiketa lehiaketa.

21:00. Zahagiardoa.

22:00. 'Ez da kasualitatea' bertso saio musikatua. Bertsolariak: Maialen Akizu, Nerea Elustondo, Oihana Iguaran eta Eli Pagola. Musikariak: Ixak Arruti eta Gari Otamendi.

Irailak 17, igandea

12:30. Sagardoa eta parrilla (txorizoa, hirugiharra…).

15:00. Herri bazkaria (paella jatea).

17:30. Gaztetxoen pilota eta helduen pala txapelketetako finalak.