Alegiako Festa batzordeak kartel eta logotipo lehiaketa antolatu zuen uztailean ospatuko diren jaiei begira. Bada, lanak jasotzeko epea amaituta, herritarren esku egongo da orain egitarauko azalean joango den irudia aukeratzea. Bozketa bidez aukeratuko da lan irabazlea eta botoak emateko epea zabalik dago maiatzaren 31ra bitartean. Jubilatuen tabernan eman ahal izango dute 16 urtetik gorako herritarrek botoa horretarako prestatu den fitxa betez. Bertan, gustukoen duten lanaren zenbakia eta norbere datuak jarri beharko dira. Pertsona bakoitzeko boto bat eman ahal izango da eta parte hartzaile guztien artean gazta bat  eta ardo botila bat zozketatuko dira.