Alegiako Jubilatuen elkarteak irteera bat antolatu du apirilaren 27rako, osteguna. Nafarroara joango dira eta Lizarraldean ibiliko dira. Goizeko 9:15ean zubitik aterako dira autobusez eta 10.30ean Garesen egingo dute lehen geldialdia. 11:30ean Lizarrara joango dira eta 14:30ean Murugarrengo Aldaiondo sagardotegian izango dute bazkaria, ohiko sagardotegiko menuarekin.

Irteera horretara joan nahi dutenek apirilaren 10etik 15era eman beharko dute izena, 11:00etatik 12:00etara jubilatuen egoitzan. Txartelek 35 euroko prezioa izango dute.