Azaroaren 25ean Emakumeenganako Indarkeriaren Aurkako Nazioarteko Eguna ospatzen da. Urtero bezala, Alegiako Udalak eguneko aldarrikapenekin eta Eztanda talde feministak antolaturiko ekintzekin bat egingo du. Aurtengoari begira, 19:00etan kontzentrazio bat egingo da plazan eta ondoren bertso poteo bat izango da herriko tabernetan, trikitilariek lagunduta. Maddi Aiestaran eta Maddi Ane Txoperena ariko dira kantuan. Udalak herritarrei ekintza horietan parte hartzeko deia luzatzen die.