Martxoaren 30ean abiatuko da Korrika 20 Otxandiotik eta Apirilaren 9an Iruñan izango du amaiera. Alegiara apirilaren 8an, larunbata, iritsiko da goizaldeko 5:07an Ikaztegietatik eta une hori girotze aldera, datozen egunetan hainbat ekitaldi egingo dira Alegian. Martxoaren 24an, ostirala, Korrikako arropa salmenta egingo da herriko bi puntutan. 16:00etatik 17:30era eskolan egongo dira eta 18:00etatik 20:00etara plazan izango da arropa erosteko aukera. Martxoaren 31n, Xabi Solano eta Zigor DZren kontzertua izango da Elizpe zinean 22:00etan.

Apirilaren 5ean, asteazkena, “Gurasoek haurren hizkuntza eredu” hitzaldia eskainiko du Inaxio Usarraldek 16:00etan San Juan eskolan. Ekitaldi hori San Juan eskolak eta Iturri Zahar guraso elkarteak antolatu dute elkarlanean. Apirilaren 6an, osteguna, Korrika Txikia egingo da 15:00etan. Gaztetxoek herria zeharkatu dute Korrika 20ren aldarriekin bat eginez.

Azkenik, apirilaren 7an, ostirala, Korrika 20 iritsi aurreko festa egingo da. 19:30ean musika emanaldi bat izango da Elizpe zinean. Ez ta giro taldea eta Loatzo musika eskolako ikasleak ariko dira bertan bertsolariekin batera. Ondoren zahagiardoa izango da eta gau osoan zehar, musika euskaraz entzungo da tabernetan. Goizaldeko 5:07an Ikaztegietatik iritsiko da Korrika 20 Alegiara eta Amezketako bidean jarraituko du. Korrika egin ostean, txokolatea banatuko da.