Alegiako Udalak urtarrilean gauzatuko du Inaxio Begiristain Kirol eta Kultur Etxeko bazkide txartelak berritzeko 2026ari begirako kanpaina. Jarraian duzue kontua helbideratuta dutenen eta ez dutenen arteko ordainketa modu ezberdinei buruzko informazioa.

ORDAINKETA HELBIDERATUTA DUTEN BAZKIDEAK

Lehen kuota otsailaren hasieran kargatuko zaie, helbideratuta duten kontuan. Baja eman nahi duten bazkideek urtarrilaren 31a baino lehen jakinarazi behar dute eta txartela itzuli kultur etxean.

ORDAINKETA HELBIDERATU GABE DUTEN BAZKIDEAK

Erreziboa iritsiko zaie etxera, gero ordainketa bakuan edo ordainketa pasabidearen bitartez egin ahal izateko. Baja eman nahi duten bazkideek urtarrilaren 31a baino lehen jakinarazi behar dute eta txartela itzuli kultur etxean.

PREZIOAK

ALEGIAN ERROLDATUAK

ALEGIAN ERROLDATU GABEAK (Erroldatuen kuota + %30)

*Hobaridunek dagokien dokumentazioa aurkeztu beharko dute.

Hilabeterako bazkide egiteko aukera ere badago, 22,50 euroko prezioan. Bazkide berri egin nahi dutenek lotura honetako formularioa bete dezakete edo kultur etxetik pasa daitezke.

Informazio edo argibide gehiagorako kultur etxera jo daiteke edo 943 65 46 98 telefono zenbakira deitu.

Txartel pertsonalak

Gogorarazten da txartelak pertsonalak direla eta ezin zaiola beste pertsona bati utzi gimnasioa erabili dezan. Horrelako hainbat jarrera somatu dira eta jokabide horiek jarraitzen badute, horrela dabiltzanei txartelak baliogabetuko zaizkie.