Larraitz auzoko ekialdea eraberritzeko lanen ondorioz, auzoan aparkatzeko zailtasunak izaten ari dira herritarrak. Lanak amaitzeko gero eta gutxiago geratzen da eta erabiltzaileei ulermena eskatu nahi zaie. Udala arazo horien jakitun da baina azken asteetan autoak edukiontzien parean aparkatuta ikusi dira, Errotatxoren parean. Bada, Udaletik gogorarazi nahi da ezin dela edukiontzien parean aparkatu. Bilketa kamioiek ezin dituzte edukiontziak hustu parean autoak baldin badaude eta horrenbestean, edukiontzien parean ez aparkatzeko eskatzen da. Neurriak errespetatzen ez badira, Udala neurriak hartzera behartuta egongo da.