Larunbatean, irailak 13, UTT Erronka mendi lasterketa Alegiatik igaroko da. Bada, hori dela eta Alegiako erdigunea trafikoarentzat itxita egongo da egun horretan 10:00etatik 17:00etara. Orendaingo bidegurutzetik Tontokale gaineko sarbideraino moztuko da trafikoa festetan egiten den moduan eta hori dela eta erabiltzaileei hainbat ohartarazpen egin nahi zaizkie:

-San Juan kaletik sartzeko edo ateratzeko, ezingo dira Tontokaleko piboteak erabili. Kalebeherako parkeko eta kalegorako sarbide zein irteerak erabili beharko dira.

-Larraitz auzotik ateratzeko Errota aldera joan beharko da eta saihesbidea erabili beharko da. Era berean, N-I errepidetik datorren edonork Larraitz auzora edo Orendain aldera joan behar badu, sahiesbidea erabili beharko du.

-Trafikoa moztuta dagoen tartean, Lurraldebuseko autobusek Fabrensan izango dute geraleku bakarra, Alegi Pentsuaken parean. Hauek dira geraleku bakarra izango duten zerbitzuak:

+Tolosatik Amezketa aldera: 10:15 / 12:10 / 13:25 / 14:45.

+Amezketatik Tolosa aldera: 10:45 / 12:40 / 13:55 / 15:15.

Behin trafikoa zabalduta, normaltasuna itzuliko da.