Espainiako Gobernuak dekretu bidez zehaztu duenez, ekainaren 26tik aurrera musukoaren erabilera ez da derrigorrekoa izango espazio irekietan, beti ere pertsonen arteko metro eta erdiko distantzia gordetzea posible bada. Neurri hori betetzen ez den espazio irekietan, espazio itxietan edozein baldintzetan zein garraio publikoetan derrigorrezkoa izango da. Beraz, edonon sartu nahi baldin bada, ezinbestekoa izango da musukoa erabiltzea.

Aire libreko kontzertu edo ekitaldi jendetsu batean zutik baldin bagaude, musukoa derrigorrezkoa izango da baina ekitaldia eserita baldin bada eta 1,5 metroko distantzia mantentzen bada, ez da derrigorrezkoa izango.

Azpiko loturan kontsultatu daiteke dekretua.