Hirugarren egunean dira Alegiako festak. Herriko txistularien kalejira bereziak esnatu ditu herritarrak eta La Jodedera taldearen doinuek girotu dute eguerdia. Iraunkorrak txaranga kalez kale dabil egun osoan zehar eta laster sokamuturra egingo da. Pentatloi erakustaldia, herritarren arteko apustua eta Muxutruk taldearen erromeria izango dira igandea borobitzeko egitarauak jasotzen dituen hitzorduak.

Azpian duzue biharko egitaraua. Ondo pasa!

Uztailak 15, astelehena

09:00. Jubilatuen mendi martxaren irteera.

09:30. Herriko trikitilariek alaituriko DIANA.

10:00. TXINTXARRIAK MARTXANeko kideen emanaldia plazan.

11:00. Jubilatuentzat HAMAIKETAKOA.

Ondoren, Iñigo Etxenike DJarekin DANTZALDIA.

11:00-14:00. Ur-jolasen HAUR PARKEA eskolako patioan.

14:00. Haur eta nerabeen BAZKARIA plazan.

16:30. Ur-jolasen HAUR PARKEA eskolako patioan.

18:30. Apar festa.

19:00. DANTZALDIA Jose Mari Orbegozo eta Txomin Carrón DJaren eskutik.

20:00. BINGOA herri osoarentzat.

21:00. ZAHAGIARDOA plazan.

22:30. PURO RELAJO taldearen kontzertua.

Etxera taldean joateko ordutegia

Udalak eta Eztanda Talde Feministak elkarrekin prestatu duten sexu erasoen aurkako protokoloaren baitan, gaur gauean ere taldean etxera joateko hitzordua izango da. 3:00etan izango da Orendaingo bidegurutzean.

Bulabarrean festa amaiera

Bibalabirjen jaiek gaur izango dute amaiera. 22:30ean herriko bertsolarien saioa izango da eta ondoren DJ Txinoren emanaldia.