Adinekoentzat eskaintzen den Memoria tailerraren 2024-2025 ikasturtean parte hartu nahi duten herritarrek irailaren 2tik 18ra eman beharko dute izena. Saioak astelehen eta asteazken arratsaldetan izango dira jubilatuen elkartearen egoitzan. Izena emateko interesa dutenek udaletxeko gizarte zerbitzuen bulegora joan beharko dute astelehenetik ostegunera, 9:00etatik 13:00erako ordutegian.