Intxurreko futbolariek asteburuan jokaturiko zortzi partidetatik lau irabazi dituzte. Erregional mutilek 5 eta 4 irabazi zioten Lazkaori. Bosgarren postuan daude hogei punturekin. Kadete mailako gizonezkoen talde batek 1 eta 2 irabazi zuen Zubietan Realaren aurka. Hauek lehen fasea amaitu dute multzoko hirugarren postuan geratu dira.  Maila bereko neskek 3 eta 1 irabazi zioten Bergarari eta sailkapeneko zortzigarrenak dira bederatzi punturekin. Garaipenekin amaitzeko, infantil neskek erraz irabazi zuten 0 eta 6 Urnietan. Etenaldiaren aurretik, sailkapeneko bigarren posturaino igo dira.

Maila bereko mutilek denboraldiko lehen partida galdu zuten Andoainen Euskaldunaren aurka 5 eta 1 galduta. Hala ere, sailkapeneko lehen postuan jarraitzen dute. Kadete mailako mutilen beste taldeak 3 eta 0 galdu zuen Idiazabalen eta hauek lehen fasea azkenak amaitu dute punturik gabe. Jubenil mutilek 0 eta 7 galdu zuten Ordiziaren aurka eta hauek ere azken postuan amaitu dute lehen fasea, partida guztiak galduta. Azkenik, gorengo mailako neskek 0 eta 6 galdu zuten Eibarren aurka eta sailkapeneko hirugarren postuan iritsi dira urte amaierara.

Larunbatean torneoa Legazpin

Kadete neskek Legazpiko torneoa jokatuko dute larunbatean. 10:30ean Ilintxaren aurkako finalerdia jokatuko dute. Partida horretan egiten dutenaren arabera, 12:00etan hirugarren eta laugarren postua erabakiko duen partida jokatuko dute eta bestela, 12:45eko finalean izango dira.