Loatzo musika eskolak pandero eta txalaparta ikastaro bana eskainiko du urriaren 5ean hasi eta otsailaren 26ra bitartean. Pandero saioak asteazkenetan 19:00etan izango dira Altzoko eskolan eta txalapartakoak Zizurkilgo Atxulondon, ostiraletan 16:30ean. Ikastaroak 100 euroko prezioa du eta izena emateko epea irailaren 21etik 25era bitartean egongo da zabalik Loatzoren webgunean, lotura honetan.