Alegiako Udaleko Kultura batzordeak antolaturiko Eguberritako Kultur Egitarauak ekitaldi berri bat izango du gaur, astelehena. Loatzo Musika Eskolako ikasleek gabonetako kontzertua eskainiko dute 18:30ean hasita kultur etxean. Urtean zehar musika eskolan lantzen dutena ikusteko aukera izango da emanaldi horretan eta musikariak bakarka zein taldetan banatuta ariko dira. Sarrera doakoa izango da. Gogoan izan, Eguberritako Egitaraua osatzen duten ekitaldi guztiak webgune honetako agenda atalean ikus ditzakezuela.