Loatzo musika eskola ikasleen audizio saioak egiten ari da egun hauetan. Horietako batzuk jada egin dira eta apirilaren 3tik 7ra bitarteko astean, guztira lau emanaldi izango dira Alegian. Astelehenean, apirilak 3, haizezko metal saileko instrumentuen txanda izango da. 18:30ean hasiko da emanaldia Elizpe zinean eta tronpeta, tronboia eta bonbardinoa entzuteko aukera izango da. Hurrengo egunean, hilak 4, piano emanaldia izango da 19:00etan kultur etxean. Apirilaren 5ean, asteazkena, perkusioa entzuteko aukera izango da 19:00etan kultur etxean. Azkenik, ostiralean, hilak 7, talde instrumental ezberdinak ikusteko aukera izango da, 19:30ean Elizpe zinean hasiko den kontzertuan. Ez ta giro eta Loatzo musika eskolako taldeak izango dira.