Alegiako Kultura batzordeak martxorako antolatu duen egitarauari martxoaren 5ean emango zaio hasiera. Egun horretan Elhuyar fundazioaren eskutik Bizilabe tailerra eskainiko da. 10 eta 14 urte bitarteko nerabeek zientziarekin eta teknologiarekin loturiko jarduerak egin ahal izango dituzte 16:30etik aurrera plazan. Aipatu arloekiko interesa eta motibazioa piztea izango da helburua esperimentu ezberdinen bidez.