Maiatzaren 21etik aurrera maskarilak erabiltzea derrigorrezkoa izango da garraio publikoan eta bi metroko distantzia gordetzea ezinezkoa den gainontzeko espazio eta eremu guztietan, itxiak zein irekiak. Kutsatzeak ekiditeko neurri eraginkorra dela ondorioztatu zuten astelehenean Espainiako osasun ministroak eta erkidegoetako osasun arduradunek egin zuten bileran. Maskarilla horiek kirurgikoak edo higienikoak izatea komeni da, ahal den kasuetan.

Horrenbestean, bihartik aurrera sei urtetik gorako pertsonek derrigorrean erabili beharko dute maskarila aurrez zehaztu diren eremuetan. Hiru eta sei urte bitarteko haurren kasuan erabiltzeko gomendioa egiten da baina ez da derrigorrezkoa. Arnasa hartzeko arazoak dituztenen kasuan, bestelako osasun arrazoiengatik edo jarduera zehatz batzuk egin ahal izateko erabiltzea ezinezkoa den kasuetan, ez da derrigorrezkoa izango.

Azpian duzue Espainiako Aldizkari Ofizialean gaiari buruz argitaratu duen agindua.