Intxurreko pilotariek Gipuzkoako txapelketako hiru partida jokatuko dituzte ostiralean 19:00etatik aurrera Elorri pilotalekuan. Gomazko paletan, emakumezkoen nagusien lehen mailan, Intxurre eta Su Berri neurtuko dira lehen partidan. Ondorengo biak eskuz binakakoak izango dira, gizonezkoenak. Kadeteen bigarren mailan Lazkao izango da Intxurreren aurkaria eta jaialdia ixteko, nagusien hirugarren mailan, Intxurre eta Itzurun neurtuko dira.

Mailari eusteko partidak jokatu zituzten iragan asteburuan Intxurreko gizonezkoen nagusien ohorezko eta bigarren mailetako bikoteek eta biek garaipena lortu zuten. Ohorezko mailan, 22 eta 13 irabazi zuen Intxurrek Zazpi Iturriren aurka. Bigarren mailan, 22 eta 10 nagusitu ziren Intxurrekoak Gaztelekuren kontra.