Arrakastatsua izan da aurten ere Intxurre pilota eskolak antolatzen duen Gabontako Pilota Topaketa. Iragan asteburuan jokatu ziren sailkatze partiden ostean, abenduaren 30ean Ikaztegietan jokatu ziren finalak. Maila ezberdinetako finalak ikusteko aukera izan zen eta txikienetatik hasi eta gaztetxoetara iritsi arte, partida ederrak ikusi ahal izan ziren. Sari banaketa ekitaldian Iñaki Artola eta Beñat Urretabizkaia pilotari profesionalek hartu zuten parte eta ondoren merienda izan zuten.